News & Events

आदिकवि भानुभक्त क्याम्पसमा विद्यालय शिक्षकहरूका लागि दुई दिने तालिम बुधबारदेखि क्याम्पस सभा कक्षमा सुरु भएको छ। उक्त तालिम आधारभूत तहमा विज्ञान विषय अध्यापनरत शिक्षकहरूका लागि क्याम्पसले आयोजना गरेको थियो। Integrating Hands-on Inquiry Based STEAM Pedagogy तालिम फागुन २ गते शुरु भई ३ गते सम्पन्न हुनेछ । तालिममा १६ वटा आधारभूत तहका विद्यालयमा कक्षा आठमा विज्ञान वा गणित विषय अध्यापन गर्ने विषय उपस्थिति रहेको छ। तालिमको आयोजना क्याम्पसको विज्ञान तथा प्रविधि विभागले गरेको छ। तालिममा तनहुँ जिल्लाका संस्थागत र सामुदायिक विद्यालयका शिक्षक सहभागिता रहेको छ । तालिमको उद्घाटन गर्दै कार्यक्रमका प्रमुख अतिथि जिल्ला शिक्षा विकास तथा समन्वय इकाईका प्रमुख उद्धवराज कट्टेलले संस्थागत विद्यालय र सामुदायिक विद्यालयको शैक्षिक स्तर उकास्नका लागि आधारभूत तहमा विशेष प्राथमिकताका साथ शिक्षण कार्यमा नविन र प्रभावकारी र ज्ञान सिप हस्तान्तरण गर्न अति आवश्यक देखिएको बताउनु भएको थियो । उक्त अवसरमा बोल्दै क्याम्पस सञ्चालक समितिका अध्यक्ष बुद्धिमान श्रेष्ठले समुदाय र क्याम्पस बीचको सम्बन्धलाई प्रगाड बनाउन र सामुदायिक विद्यालयको शैक्षिक स्तर उकास्नमा क्याम्पसको तर्फबाट गर्न सकिने सहयोगका क्षेत्रहरू खोज्ने क्रममा ओलम्पियड कार्यक्रमको आयोजना गरिएको जानकारी गराउनुभएको थियो । उहाँले आदिकवि भानुभक्त क्याम्पसले यस जिल्लाको शैक्षिक विकासमा नेतृत्वदायी भूमिका निर्वाह गर्दै आएको र आगामी दिनमा उच्च शिक्षाको गुणस्तर अभिवृद्धि गर्नका लागि आधारभूत र माध्यमिक तहको शिक्षण सिकाइमा समयानुकूल विधि, प्रविधि ज्ञान र सीप हस्तान्तरण गरेर विद्यालय शिक्षामा जिल्लामा आमूल परिवर्तन ल्याउन नयाँ योजनाहरू बनाउन र कार्यान्वयन गर्न जिल्लामा नेतृत्वदायी भूमिका निर्वाह गर्न सुझाव दिनुभएको थियो।