News & Events

तनहुँ जलविद्युत आयोजनाले २०८१.२.४ गते शुक्रबार आदिकवि भानुभक्त क्याम्पसमा विपत जनाउ साइरन जडान गरेको छ। उक्त स्वचालित विद्युतीय साइरन भानुभक्त क्याम्पसको विज्ञान भवनको छतमा जडान गरिएको छ। सेती नदीमा निर्माण भइरहेको तनहु जलविद्युत आयोजनाको बाँधमा जम्मा भएको पानीलाई प्राविधिक कारणले एकैचोटि छाड्नुपर्दा नदीमा अकस्मात आउन सक्ने बाढीबाट मानवीय क्षति नहोस् भन्नका लागि नदीमा नुहाउने, लुगा धुने, माछा मार्ने, र पौडी खेल्ने कार्य गरीरहेका, जनसमुदायलाई नदीमा आउनसक्ने बाढी एवं विपतबारे अग्रिम सचेत पार्नका लागि उक्त साइरन जोडिएको आयोजनाले जनाएको छ ।